LX系列我只曾6年前於AD把玩過支LM：SNR025，感覺太輕盈，當時的我無法接受到那種重量，而其餘兩支LX都未曾試過實錶。
但隨年齡增長，口味、要求、對手錶物料睇法都有改變，感謝店家出手幫忙，終於選擇了SNR029，完成辦年貨🙏🏼
因往年已經入手600m鈦版大MM SLA081，所以今次會集中分享兩者之間分別。SNR029是2019年獲得GPHG日內瓦鐘錶大賞-最佳潛水錶，由參與設計法拉利既日籍設計師奧山清行操刀，把元祖6159的DNA 優雅、符合比例地擴大、轉化成LX系列。往後的300m 鋼MM SLA079, 600m 鈦MM SLA081都明顯有著LX系列既影子、味道。
如以元祖6159手錶殼形作參考標準，在眾多往後演變進化的大MM 殼形之中，個人認為SNR029造得最合乎比例，錶殼、錶腳、錶面等大小都拿捏得非常平衡。當然，首先你要喜歡/接受一隻非常厚身既潛水錶。
打磨、機芯均不用置疑屬水準之上佳作。不過亦想指出，600m 鈦SLA081打磨比SNR029係稍稍優勝，鏡面位置亦更加絲滑幼細。
而且更想講，就算價錢平宜了很多、用8L35的SLA077、079等300m 鋼MM，打磨上真係不比兩隻HiEnd品差，我目測是幾乎、非常、非常的接近！所以相對黎講性價比更高。
SNR029 vs SLA081 我覺得兩者都正！
SNR029 喺云云大M之中，殼形最靚、係大得黎靚、平衡、合乎比例，佩戴時雖然巨型但注目度相當之高。而且春動芯，睇住支秒針滑行，本身已經係一種享受。
SLA081件面既浮世繪浮雕無論再差既光源下都能輕易觀賞、稍稍更細緻既打磨、600m密底殼兼有套MM 字，都係佢不可多得既優勢。
下面有4支鋼製、鈦製潛水錶調整錶帶黎的重量，大家可作參考。
SNR029 SLA081SLA077 SPB487
