大家好,希望大家得閒可以follow我的IG, 每一個星期都會有新的簡單食譜比大家非常適合在家煮飯的你IG @ hkchef22另外亦可以bookmark 我的blog,有詳細既食譜,歡迎大家交流一下http://bit.ly/cheftoby
蔥燒豆腐今次介紹既依個餸,真係名符其實既性價比之選。只係需要買舊豆腐,少少料頭同調味料,就可以煮到一個又有營養又好送飯既餸,非常推介比啲唔知煮咩好,又唔想搞太多野既人。另一注意既就係最好用街市買既包仔豆腐黎煮依個餸,佢既豆味同埋軟硬度,係最適合用黎煮依個餸材料包仔豆腐 2磚乾蔥 3粒蔥花 適量調味料醬油 3湯匙水 6湯匙蠔油 1湯匙糖 半茶匙做法1) 如果怕買返黎豆腐污嘈,可以先用水浸一浸2) 乾蔥切成幼絲,豆腐一開四切成一片片備用,調味料全部攪勻3) 開中細火,倒入2-3湯匙既油4) 油滾後,慢慢一片片放入豆腐5) 唔好郁啲豆腐等佢煎約3-4分鐘,直至表面微微金黃6) 然後可以小心反轉另一面,續煎至金黃7) 係鑊搵個空位放入切好既乾蔥絲,煎至半透明有香味釋出8) 然後倒入一早攪好既調味料,用大火等汁液收乾,豆腐入味9) 煮約2分鐘左右見收汁可以拎起,灑上蔥花
日式味噌炒椰菜好多時係香港食到既椰菜都係用上中式既煮法,但其實除左傳統既中式味道之外,估唔到椰菜其實同日式味噌都一樣係咁夾。今次依個食譜亦都無無咩難度,只要跟住個比例去調好醬汁,就可以食到一道非常惹味既炒椰菜除左飯之外,依個炒菜同烏冬都好夾材料豚肉片 200g椰菜 1個蒜蓉 2粒蔥段 適量醬汁味噌 2湯匙醬油 1湯匙豆瓣醬 1湯匙蜜糖 1.5湯匙麻油 1.5 湯匙水 3湯匙做法1) 先將椰菜除去中間既芯,然後切成大片,浸水洗乾淨備用2) 將醬汁部份既所有調味料放入一大碗內撈勻3) 然後將撈好既醬汁放一匙羹入去豚肉片入面醃15分鐘4) 用中火加熱橄欖油,將豚肉片放入鑊中煎至兩面微微焦香,再加入蒜蓉,蔥段炒勻5) 倒入所有既椰菜,然後加入所有撈好既醬汁,炒勻6) 炒勻後可以蓋上鍋蓋,煮大約3-4分鐘至椰菜腍身7) 腍身後轉大火收一收汁即可上碟
香煎芝士薯餅今次介紹一個比較西式少少既煎薯餅,做法比起中式既薯餅簡單,只要將薯仔切成一片片,加入晒所有調味料撈埋就搞掂。作為一個小食或者自己一個人既正餐都非常適合依個係半煎炸既效果,如果想再脆口啲可以落多啲油炸至完全脆身材料薯仔 1個調味料麵粉 2湯匙鹽 1茶匙黑椒 1茶匙紅椒粉 2茶匙橄欖油 2湯匙芝士碎 2湯匙做法1) 將薯仔先洗乾淨批皮,可以先用刀將其中一面既薯仔切平,令佢唔會搖黎搖去先再切片2) 將薯仔切成大約2-3mm既薄片3) 用清水將薯片洗幾次,洗走薯仔表面既澱粉質,令佢更加爽脆4) 準備一個食物袋,將掠乾既薯仔片放晒入去5) 加入除麵粉外既所有既調味料,然後用手將袋入面既野撈勻,再加入麵粉撈勻6) 係平底鑊入面倒入2-3湯匙油,然後將薯仔片一片片咁密鋪係鑊上7) 開中火加熱,可以蓋上鑊蓋,慢慢煎約8分鐘左右至金黃色可以返轉另一面8) 反轉後一樣上蓋煎8分鐘左右即可
欖菜肉碎炒飯有時屋企會淨返啲冷飯,大部人都會將放左入雪櫃一晚既白飯用黎炒飯,就係貪佢炒出黎夠乾身,容易做到粒粒分面既效果。其實炒個靚飯絕對唔難,只要掌握到幾個要點,就可以炒到一個乾身既靚飯。今次個食譜就簡單用上屋企可以長期備放既欖菜黎做個炒飯材料豬絞肉 200g蛋 2隻白飯 1.5 - 2碗欖菜 2湯匙豬絞肉醃料醬油 1湯匙糖 半湯匙生粉 半湯匙水 1湯匙胡椒粉 適量做法1) 將豬絞肉用醃料醃最少15分鐘2) 將2隻雞蛋打發成蛋液備用3) 開中火燒熱鑊,加入2湯匙油,油熱後放入所有豬絞肉,慢慢將豬肉表面煎3-4分鐘直至表面微微金黃4) 煎好豬肉後,加入冷飯,用鑊鏟慢慢壓鬆啲飯5) 當所有飯都變得散開分明,預留中間鑊位置,倒入少少油,然後加入蛋液6) 炒勻後加入2湯匙欖菜,然後將所有材料炒勻,飯粒變得乾身即可上碟
西檸軟雞西檸雞都可以話係香港獨有既菜色,係大部份既大排檔都可以叫到。酸酸甜甜既汁配上炸脆完再軟身返既雞扒,真係令到人一舊接一舊。其實係屋企要整個西檸汁都唔係好難,只要識得用檸檬汽水,就人人都可以煮到出面大排檔既味道如果無吉士粉可以用生粉水埋茨,出黎個顏色會差小小,但味道差唔多材料雞扒 1塊醬汁檸檬 1個檸檬汽水 150ml糖 2湯匙雞扒炸漿雞蛋 1隻生粉 1湯匙麵粉 1湯匙做法1) 將雞扒解凍至室溫,用淡鹽水浸15分鐘去除雪味,然後用廚房紙巾印乾水份2) 將雞扒厚既部份改一改刀,令到成舊雞扒厚度平均3) 係雞扒表面灑上鹽同黑椒醃約15分鐘4) 將檸檬表面黃色既皮批出黎,切成絲備用5) 將醬汁入面既所有材料撈勻備用6) 將雞扒炸漿撈好,然後將醃好既雞扒表面沾滿炸漿7) 最後係雞扒既表面再上多一層生粉,令佢乾身8) 開中火,加入適量既油,然後將雞扒有皮既一面落鑊半煎炸至金黃色 ( 約5分鐘 )9) 反轉雞扒,繼續半煎炸多約5分鐘至雞扒完全熟透後拎起切塊10) 開中火,倒入撈好既醬汁,加入撈好既水同吉士粉埋芡即可完成醬汁
泰式香矛和牛肉丸食西餐既時候,好多時都係鋸扒或者烤雞,食得多都可能會有啲悶。除左成塊扒上碟之外,其實肉丸亦都係一個好既選擇,無論係一個人或者一大班朋友一齊分享都可以。如果想係西式食材上面做啲變化,用泰國既香料可能會幫到你,今次介紹一個清新小小口味既肉丸,會用上泰式既香料配上免治和牛,絕對係滿分既推介肉丸材料免冶牛肉(和牛) 450g洋蔥 1個蒜頭 2瓣乾辣椒碎 1湯匙麵包糠 70g牛奶 50g調味料香矛 2條乾辣椒 2條雞湯 300ml椰奶 300ml黃薑粉 1湯匙青檸 1個做法1) 將洋蔥切成碎,蒜頭切蓉備用2) 用中火燒熱鑊,加入少少油,放入所有洋蔥蒜頭炒約5分鐘至金黃色3) 加入1湯匙乾辣椒碎,少少鹽同黑椒調味4) 將炒好既洋慕碎倒入免冶牛肉,再加入所有麵包糠同牛奶搞勻5) 用手將所有食材搞勻,然後搓成約一個乒乓球大細既肉丸備用6) 將香矛一分為二,切去頭部,用刀敲開外皮令香味釋出7) 中火加熱剛材炒洋蔥既鑊,加入少少油,將肉丸放入鑊中煎香8) 慢慢將肉丸既每一面都煎至微微金黃色9) 係鑊中加入香矛,乾辣椒,黃薑粉,雞湯及椰奶,再微微搞勻10) 轉細火將肉丸煮多約10分鐘左右,淋上青檸汁即可
粉葛可以話係春天潮濕既時侯最佳既湯水,唔單止補氣止咳潤肺,仲有祛濕既功效。另外如果煲祛濕既湯水,盡量揀一啲比較清淡既食材同埋瘦少少既煲湯瘦肉,令到個湯出黎唔會太過油膩材料粉葛 半個紅蘿蔔 1條粟米 1條瘦肉 500g赤小豆 30g扁豆 30g蜜棗 2粒水 2500ml做法1) 將瘦肉清洗乾淨,然後放入凍水,加2片薑片,開火煲熱水至滾起即可熄火。(飛水目的為左迫出豬肉既血腥及豬噪味)2) 將赤小豆,扁豆,蜜棗用水浸最少15分鐘3) 將粉葛,紅蘿蔔,粟米洗乾淨批皮,然後切段4) 係煲入面放入2500ml水,然後將所有食材放晒入去,蓋上煲蓋5) 用大火煲滾,滾約15分鐘後可以將火收細,用慢火煲約1.5小時6) 最後可根據味道加適量既鹽去調味
肉碎玉子豆腐今次介紹一個唔單止成本極底,仲要有營養,非常之岩送飯既一個簡單菜式。只要簡單既中式基本調味,就可以煮到一個大人同細佬仔都岩既餸菜,就算拎黎帶飯都非常適合材料豬絞肉 300g玉子豆腐 2條蒜頭 2瓣蔥花 適量調味料醬油 1湯匙蠔油 1湯匙糖 1茶匙胡椒粉 適量做法1) 蒜頭切蓉,蔥切成蔥花備用;玉子豆腐切成約3CM厚度2) 將玉子豆腐既兩面沾上一層薄薄既麵粉3) 中火加入1湯匙油,然後放入玉子豆腐,慢慢煎至兩面微微金黃後拎起4) 用返同一隻鑊,再加入1湯匙油,然後放入豬絞肉5) 加入適量既鹽同黑椒,慢慢煎3-5分鐘直至表面微微金黃6) 加入蒜蓉,蔥白同豬肉碎炒勻7) 將所有調味料加入,再加入半碗水,轉大火炒勻8) 放入煎好既玉子豆腐,再略煮1-2分鐘至醬汁收杰身即可